သတင်းများ

နေပြည်တော် စက်တင်ဘာ ၇
သစ်တောဥပဒေစိုးမိုးမှု၊ အုပ်ချုပ်မှုနှင့် ကုန်သွယ်မှုဆိုင်ရာ ဆန္ဒအလျောက် မိတ်ဖက်အဖြစ် သဘောတူညီချက် (Forest Law Enforcement, Governance and Trade, Voluntary Partnership Agreement - FLEGT VPA)လုပ်ငန်းစဉ် ဖော်ဆောင်သည့် ကြားဖြတ်လုပ်ငန်းအဖွဲ့ နှုတ်ဆက်ပွဲနှင့် အမျိုးသားအဆင့် သုံးပွင့်ဆိုင်ညွန့်ပေါင်းအဖွဲ့ ကြိုဆိုပွဲအခမ်းအနားနှင့် အမျိုးသား အဆင့် သုံးပွင့်ဆိုင်ညွန့်ပေါင်းအဖွဲ့၏ ပထမအကြိမ်အစည်းအဝေးကို (၇-၉-၂၀၁၈) ရက်နေ့၊ နံနက် (ဝ၉:၃၀) နာရီတွင် သစ်တောဦးစီးရုံးချုပ်၊ အင်ကြင်းခန်းမ၌ ကျင်းပပြုလုပ်ခဲ့ရာ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီးဦးအုန်းဝင်း တက်ရောက်၍ အဖွင့်အမှာစကား ပြောကြားပါသည်။

နေပြည်တော် စက်တင်ဘာ ၅

အမျိုးသားမြေအသုံးချမှုကောင်စီ၏ လုပ်ငန်းညှိနှိုင်းအစည်းအဝေးကို ၄-၉-၂၀၁၈ ရက်နေ့၊ နေ့လယ် (၁၃:၃၀) နာရီ တွင် သစ်တောဦးစီးရုံးချုပ်၊ အစည်းအဝေးခန်းမ၌ ကျင်းပပြုလုပ်ခဲ့ရာ အမျိုးသားမြေအသုံးချမှု ကောင်စီ အတွင်းရေးမှူး သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်း တက်ရောက်၍ အဖွင့်အမှာစကား ပြောကြားပါသည်။

နေပြည်တော် စက်တင်ဘာ ၄

မြန်မာအမျိုးသားမြေပုံစနစ် နည်းပညာဆိုင်ရာ ကြီးကြပ်မှုကော်မတီ ၏ စတုတ္ထအကြိမ်မြောက် အစည်းအဝေး (4th OneMap Myanmar Technical Steering Committee Meeting) အား သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်းကြင်းခန်းမ၌ ၃.၉.၂၀၁၈ ရက်နေ့၊ ၁၃:ဝ၀ နာရီတွင် ကျင်းပခဲ့ရာ မြန်မာအမျိုးသားမြေပုံစနစ် နည်းပညာဆိုင်ရာကြီးကြပ်မှုကော်မတီ ဥက္ကဌ၊ ဦးခင်မောင်ရီ (အမြဲတမ်းအတွင်းဝန်၊ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီး ဌာန) တက်ရောက်အမှာစကားပြောကြားခဲ့ပါသည်။

နေပြည်တော် သြဂုတ် ၃၁

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနနှင့် ပြည်သူ့ လွှတ်တော် သယံဇာတနှင့် သဘာဝ ပတ်ဝန်းကျင်ထိန်းသိမ်းရေး ကော်မတီတို့ တွေ့ဆုံဆွေးနွေးပွဲကို ယမန်နေ့က ကျင်းပရာ ပြည်ထောင်စုဝန်ကြီး ဦးအုန်းဝင်းနှင့် ဝန်ကြီးဌာန သစ်တောရေး ရာ၊ သတ္တုရေးရာမှ အမြဲတမ်းအတွင်းဝန် များ၊ ညွှန်ကြားရေးမှူးချုပ်များ၊ တာဝန်ရှိ သူများနှင့် ပြည်သူ့လွှတ်တော် သယံဇာတ နှင့် သဘာဝပတ်ဝန်းကျင်ထိန်းသိမ်းရေး ကော်မတီဥက္ကဋ္ဌ ဦးစိုးသူရထွန်းနှင့် ကော်မတီအဖွဲ့ဝင်များ တက်ရောက် ဆွေးနွေးကြသည်။

နေပြည်တော် စက်တင်ဘာ ၃

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်းသည် (၁.၉.၂၀၁၈)နေ့ နံနက်ပိုင်းတွင် မကွေးတိုင်းဒေသကြီးအစိုးရအဖွဲ့၊ သယံ ဇာတ၊ သဘာဝပတ်ဝန်းကျင်၊ လျှပ်စစ်နှင့်စွမ်းအင်ဝန်ကြီး ဦးမြင့်ဇော်၊ အပူပိုင်းဒေသ စိမ်းလန်း စိုပြည်ရေးဦးစီးဌာနနှင့် သစ်တောဦးစီးဌာနမှ တာဝန်ရှိသူများနှင့်အတူ နေပြည်တော်-ကံပြား-မကွေး ကားလမ်း၊ မိုင်တိုင်အမှတ် (၃၆)အနီး၊ မကွေးခရိုင်၊ မြို့သစ်မြို့နယ်၊ မြို့သစ်ကြိုးဝိုင်း၊ အကွက်အမှတ်(၅)အတွင်း အပူပိုင်းဒေသစိမ်းလန်းစိုပြည်ရေးဦးစီးဌာနမှ စမ်းသပ်စိုက်ခင်း တစ်ခုဖြစ်သည့် ယခုနှစ်မိုးရာသီအတွင်း စက်ယန္တရား အသုံးပြု၍ ကျင်းတူး စိုက်ပျိုးထားသော စိုက်ခင်းအမှတ် (၂/၂၀၁၈) အခြားစိုက်ခင်း (၂၀)ဧကသို့ရောက်ရှိစစ်ဆေးခဲ့ရာ တာဝန်ရှိသူများမှ စိုက်ခင်းအတွင်း ရှား၊ စစ်၊ ကျွန်း နှင့် လျှော်ဖြူ သစ်မျိုး(၄)မျိုး ရောနှော စိုက်ပျိုးထားသည့် ပုံစံ အားရှင်းလင်းတင်ပြခဲ့ပြီး ပြည်ထောင်စုဝန်ကြီးနှင့်အဖွဲ့သည် စိုက်ခင်းအောင်မြင်နေမှုများအား လှည့်လည်ကြည့်ရှု့စစ်ဆေးခဲ့သည်။

နေပြည်တော် သြဂုတ် ၂၈

၂၀၁၈ခုနှစ်၊ သြဂုတ်လ (၂၈) ရက်နေ့ နံနက် (၈:၃၀) နာရီအချိန်တွင် အမရာဟိုတယ်၊ နေပြည်တော်၌ မြန်မာနိုင်ငံရှိ တက္ကသိုလ် သင်ရိုးညွှန်းတမ်းတွင် ရာသီဥတုပြောင်းလဲမှုဆိုင်ရာ ဘာသာရပ်ကို အားဖြည့်သင်ကြားပို့ချနိုင်ရေးဆိုင်ရာ အလုပ်ရုံဆွေးနွေးပွဲတွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်းမှ အဖွင့်အမှာစကားပြောကြား ခဲ့ပါသည်။

နေပြည်တော်၊ သြဂုတ် ၂၆

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်းသည် သြဂုတ် ၂၅ ရက်က မန္တလေးတိုင်းဒေသကြီး၊ ညောင်ဦးမြို့နယ်၊ ပလင်းကမ်းသာယာ ဆင်စခန်းသို့ ရောက်ရှိရာ မြန်မာ့သစ်လုပ်ငန်း၊ လက်ထောက်အထွေထွေမန်နေဂျာ ဦးအောင်ဌေးက လုပ်ငန်းအကောင်အထည်ဖော် ဆောင်ရွက်မှု၊ ဆင်စခန်းသို့ လာရောက်လည်ပတ်သည့် ပြည်သူများအနားယူအပန်းဖြေ လေ့လာနိုင်ရန်အတွက် ဝန်ဆောင်မှုလုပ်ငန်းများစီစဉ်ထားရှိမှု၊ ဆင်ကျန်းမာရေး စောင့်ရှောက်မှုလုပ်ငန်းများ၊ ဆင်အစားအစာအတွက် စီမံဆောင်ရွက်ထားရှိမှု အခြေအနေ၊ ဧည့်သည်လာရောက်လည်ပတ်မှုနှင့် လအလိုက်ဝင်ငွေရရှိမှု၊ အနီးဝန်းကျင်ရှိ ရပ်ရွာလူထုအား အကျိုးပြုနိုင်မှု၊ ဆင်စခန်းအတွင်း အမှိုက်များစနစ်တကျစွန့်ပစ်ရန် စီမံဆောင်ရွက်ထားရှိမှုနှင့် ထပ်မံတိုးချဲ့ဆောင်ရွက်မည့် အစီအစဉ်တို့ကိုတင်ပြရာ ပြည်ထောင်စုဝန်ကြီးက ဝန်ဆောင်မှုလုပ်ငန်းများနှင့် လိုအပ်သည်များကို ဖြည့်စွက်ဆွေးနွေး မှာကြားသည်။

နေပြည်တော်၊၂၃-၈-၂၀၁၈

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်းသည် ဂျပန်နိုင်ငံ၊ ဖူကူအိုကာ ဒုတိယမြို့တော်ဝန် Mr. Atsuhito Sadakari နှင့် အဖွဲ့အား ၂၃-၈-၂၀၁၈ရက်နေ့၊ (၀၉:၃၀)နာရီတွင် ပြည်ထောင်စုဝန်ကြီးရုံး ဧည့်ခန်းမ၌ လက်ခံ တွေ့ဆုံဆွေးနွေးသည်။

နေပြည်တော် သြဂုတ် ၂၀

ဂျပန်နိုင်ငံပတ်ဝန်းကျင်ဝန်ကြီးဌာနနှင့် မြန်မာနိုင်ငံ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနတို့ ပူးပေါင်းကျင်းပသည့် ပတ်ဝန်းကျင်ထိန်းသိမ်းရေးဆိုင်ရာ ပူးပေါင်းဆောင်ရွက်မှု စာချွန်လွှာ (MoC) လက်မှတ်ရေးထိုးပွဲနှင့် စွန့်ပစ်ပစ္စည်းများ စီမံခန့်ခွဲမှုဆိုင်ရာ အလုပ်ရုံဆွေးနွေးကို ၂၀၁၈ ခုနှစ် သြဂုတ် ၂၀ ရက်နေ့က နေပြည်တော်ရှိ Part Royal Hotel တွင်ကျင်းပခဲ့ရာ ပြည်ထောင်စုဝန်ကြီး ဦးအုန်းဝင်းတက်ရောက် အမှာစကားပြောကြားခဲ့ပါသည်။

နေပြည်တော်၊ သြဂုတ် ၁၃

သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်းသည် World Wide Fund for Nature -WWF International မှ Director General, Mr. Marco Lambertini နှင့်အဖွဲ့အား ယနေ့နံနက် (၁၀) နာရီတွင် ပြည်ထောင်စုဝန်ကြီးရုံး ဧည့်ခန်းမ၌ တွေ့ဆုံသည်။

Pages