၂၀၂၄ ခုနှစ် ဇွန်လ ၂၆ ရက်နေ့တွင် ကျရောက်သည့် ကမ္ဘာ့အအေးပေးပစ္စည်းများနေ့ အထိမ်းအမှတ်လှုပ်ရှားမှုများကို မွန်ပြည်နယ် ၊ ဧရာဝတီတိုင်းဒေသကြီး၊ ကရင်ပြည်နယ်၊ စစ်ကိုင်းတိုင်းဒေသကြီးတို့တွင် ၂၆-၆-၂၀၂၄ ရက်နေ့၊ နံနက် ၉:၀၀ နာရီအချိန်တွင် အသီးသီးကျင်းပခဲ့သည်။
မွန်ပြည်နယ်ပတ်ဝန်းကျင်ထိန်းသိမ်းရေးဦးစီးဌာနက မော်လမြိုင်မြို့၊ ဘိုကုန်းရပ်ကွက် အုပ်ချုပ်ရေးမှူးရုံး၌ အသိပညာပေးဟောပြောခြင်းနှင့် လက်ကမ်းစာစောင်များ ဖြန့်ဝေခြင်း၊ ဧရာဝတီတိုင်းဒေသကြီး၊ ပတ်ဝန်းကျင်ထိန်းသိမ်းရေးဦးစီးဌာနက ပုသိမ်မြို့၊ ရွှေမြင်တင်ကျေးရွာရှိ အခြေခံပညာအထက်တန်းကျောင်း(ရွှေမြင်တင်)၊ ပညာရတနာခန်းမ၌ ဆရာ၊ ဆရာမများနှင့် ကျောင်းသား၊ ကျောင်းသူ စုစုပေါင်း (၂၀၀)ဦးတို့အား အသိပညာပေးဟောပြောခြင်းနှင့် လက်ကမ်းစာစောင် (၂၀၀)စောင်အား ဖြန့်ဝေခြင်း၊ အမှိုက်များအား စနစ်တကျ ခွဲခြားစွန့်ပစ်စေရေးအတွက် အမှိုက်ပုံးများပေးအပ်ခြင်း၊ ကရင်ပြည်နယ်၊ ဘားအံခရိုင်ပတ်ဝန်းကျင်ထိန်းသိမ်းရေးဦးစီးက ဘားအံမြို့နယ် တရုတ်လှစံပြကျေးရွာ၊ အခြေခံပညာအထက်တန်းကျောင်း၌ ဆရာ၊ ဆရာမများနှင့် ကျောင်းသား၊ကျောင်းသူ စုစုပေါင်း(၁၂၄)ဦးအား အသိပညာပေးဟောပြောခြင်း၊ အသိပညာပေးလက်ကမ်းစာစောင်များ ဖြန့်ဝေခြင်းနှင့် စစ်ကိုင်းတိုင်းဒေသကြီး၊ ကလေးခရိုင်ပတ်ဝန်းကျင်ထိန်းသိမ်းရေးဦးစီးဌာနက ကလေးမြို့၊ အ.ထ.က(၃) အခြေခံပညာအထက်တန်းကျောင်းရှိ ဆရာ၊ ဆရာမများနှင့် ကျောင်းသား၊ ကျောင်းသူ စုစုပေါင်းဦးရေ (၁၀၀)ခန့်အား အသိပညာပေးဟောပြောခြင်းနှင့် လက်ကမ်းစာစောင်များ ဖြန့်ဝေခြင်းတို့ ဆောင်ရွက်ခဲ့ပါသည်။
